Сәясәт 15 декабрь 2016 15:49

Дәүләт Советы юл кагыйдәләрен инкарь иткән йөртүчеләргә каты җәза бирергә тәкъдим итә

Татарстан Дәүләт Советы Рәисе Фәрит Мөхәммәтшин төбәк парламенты Россия Дәүләт Думасына мөрәҗәгать итәчәген әйтте.

Скопировать ссылку

(Казан, 15 декабрь, “Татар-информ, Надежда Гордеева). Татарстан Дәүләт Советы Рәисе Фәрит Мөхәммәтшин Татарстан Хөкүмәте рәисе урынбасары – Министрлар Кабинеты Аппараты җитәкчесе Шамил Гафаровны парламентка юлда машинаны тәртипсез йөрткән өчен җәза кертү тәкъдимен мөмкин кадәр тизрәк тапшырырга сорады.

Бүген Дәүләт Советы президиумы утырышында Фәрит Мөхәммәтшин кичә Казанда юл хәрәкәте иминлегенә багышланган, Татарстан Президенты катнашында узган җыелышны искә алды.

“Татарстан Президенты законны үтәми торган йөртүчеләрне кискен тәнкыйтьләнде. Алар аркасында кешеләрнең гомере өзелә, гөнаһсыз балалар һәлак була. Кыйммәтле машиналарда йөргән кешеләр өчен 5-6 мең сум штраф, бәлки, күп түгелдер. Без чираттагы утырышта Татарстан парламенты исеменнән Россия Дәүләт Думасына мөрәҗәгать итәргә телибез. Безне бу мәсьәләдә хупларга тиешләр дип уйлыйм”, – диде парламент җитәкчесе.

Фәрит Мөхәммәтшин шулай ук Татарстанның Югары суды рәисе Илгиз Гыйләҗевкә дә мөрәҗәгать итте: “Җәза каты булырга тиеш. Юлда машиналар күп, кешеләр дә күп үлә. Судьяларга бай ата-аналар һәм башкаларның хәленә кермәскә кушыгыз. Юлдагы һәлакәтләр машина йөртүчеләрнең рульгә исерек утыруы сәбәпле чыга. Тротуарлардан йөриләр, тукталышларга менәләр, нәтиҗәдә, кешеләр һәлак була”.

#Фәрит Мөхәммәтшин

Сәхифәләр

Дәүләт Советы юл кагыйдәләрен инкарь иткән йөртүчеләргә каты җәза бирергә тәкъдим итә