Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дәүләт Советы корал сатып алу яшен 21 яшькә кадәр арттырырга кирәк дип саный
Татарстан Дәүләт Советы корал әйләнешен тәртипкә салу буенча закон инициативасын әзерли.
(Казан, 19 май, «Татар-информ»). Татарстан Дәүләт Советы корал әйләнешен тәртипкә салу буенча закон инициативасын әзерли. Парламент корал алу яшен 21 яшькә кадәр арттырырга кирәк дип саный. Бу хакта ТР Дәүләт Советы Рәисе Фәрит Мөхәммәтшин Татарстан матбугаты көне уңаеннан массакүләм матбугат чаралары вәкилләре белән очрашуда хәбәр итте.
«Керчьтагы вакыйгалардан соң корал сату яшен 21 яшькә кадәр арттыру максатыннан закон инициативасы белән федераль дәрәҗәдә чыгыш ясалды. Россия Хөкүмәте, Дәүләт Думасы кире какты. Хәзер без коралны саклауны һәм куллануны катгыйландыру һәм тәртипкә салу, шул исәптән яшьне, ким дигәндә, 21 яшькә кадәр арттыру өчен документлар әзерлибез», - дип сөйләде парламент башлыгы.
Дүшәмбе көнне Дәүләт Советында наркотик һәм психотроп матдәләр, гражданнар куллану коралы, хайваннар белән эш итү, Интернетта деструктив мәгълүмат тарату өлкәсендә законнарга үзгәрешләр кертү һәм анализлау буенча эш төркемнәре төзү турында күрсәтмә имзаланды, дип искәртте Фәрит Мөхәммәтшин.
«Ату коралын сатып алырга теләүчеләрнең сәламәтлеге турында белешмәләр алуны җентекләп өйрәнүгә бәйле мәсьәләләр каралачак. Билгеле бер категориядә бер кешегә бер корал гына сату тәкъдиме бар. Ягъни алда җитди зур эш көтә. Эш төркемнәреннән тәкъдимнәр алачакбыз», - диде ул.
Кызыклы яңалыкларны күзәтеп бару өчен Телеграм-каналга язылыгыз