Фән һәм мәгариф 24 май 2010 14:19

Дәүләт Советы депутаты Түбән Каманың иң талантлы мәктәп укучыларын бүләкләде

Разил Вәлиев иҗади конкурста уңышка ирешкән балалар һүм яшүсмерләргә премияләр тапшырды

Скопировать ссылку

(Түбән Кама, 24 май, “Татар-информ”, Сергей Толмацкий). ТР Дәүләт Советы депутаты, танылган җәмәгать эшлеклесе Разил Вәлиев әдәбият өлкәсендә, милли мәдәниятләр һәм гореф-гадәтләрне үстерүдә, рус һәм татар телләрен өйрәнүдә зур уңышларга ирешкән Түбән Каманың иң талантлы укучыларына бүләкләр тапшырды.
Уннан артык сәләтле бала һәм яшүсмер премиягә лаек булды. 25 нче гимназия укучысы Алсу Вәлиева – беренче, Түбән Уратма авылыннан Нурия Хәбибрахманова – икенче, 1 нче гимназиядә укучы Диләрә Насыйбуллина өченче урынны алды. Разил Вәлиев аларга бүләкләрне шәхсән үзе тапшырды.
Моннан тыш, Дәүләт Советы депутаты 10 номинациядә уңышка ирешкән укучыларны, шулай ук аларның педагогларын бүләкләде. Түбән Камада Разил Вәлиев инициативасы буенча иҗади конкурс 1999 елдан бирле үткәрелеп килә. Анда катнашырга теләк белдергән укучыларның саны да елдан-ел арта бара. Мисал өчен, быелгы конкурста 147 яшь талант катнашты, 21 эш бәйгенең финал өлешенә узды.

Сәхифәләр

Дәүләт Советы депутаты Түбән Каманың иң талантлы мәктәп укучыларын бүләкләде