Икътисад 2 апрель 2010 17:10

Дәүләт милке саналган 53 берәмлек автотранспорт сатуга куела

ТР Җир һәм мөлкәти мөнәсәбәтләр министрлыгы аларныҢ ачык рәвештә сатылачагын игълан итә

Скопировать ссылку

(Казан, 2 апрель, “Татар-информ”). ТР Җир һәм мөлкәти мөнәсәбәтләр министрлыгы дәүләт милке саналган 53 берәмлек автотранспортны 5 май көнне ачык сатуга куеласы хакында игълан итте. Алар арасында 1988 – 2006 елларда, нигездә, үзебезнең илдә эшләп чыгарылган җиңел һәм йөк машиналары, “внедорожник”лар һәм 1 автобус бар, шулай ук 5 чит ил автомобиле дә тәкъдим ителә: 2002 елгы “Volkswagen Passat W5” (башлангыч суммасы – 120 мең сум), 2006 елгы “DAEWOO NEXIA” (80 мең сум), 2003 елгы “Toyota Corolla B065TE” (221 мең сум) һ.б.

Әлеге сату-алуда катнашырга теләгәннәр 28 апрельга кадәр Казан ш., Вишневский ур., 26 (201 бүлмә) адресы буенча 10-16 сәгать эчендә мөрәҗәгать итә ала, тел.: (843) 264-30-81. Аукцион шартлары һәм куеласы лотлар турында тулырак мәгълүмат әлеге министрлыкның www.mzio.tatar.ru порталында “Татарстан күчемсез милке” сәхифәсендә бирелгән.

Сәхифәләр

Дәүләт милке саналган 53 берәмлек автотранспорт сатуга куела