Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дәүләт Думасында коронавирус эпидемиясе куркынычы юк дип саныйлар
«Гадәти грипп белән авыручылар һәм үлүчеләр статистикасы күпкә югарырак», — диде Александр Петров.
(Казан, 22 гыйнвар, «Татар-информ»). Россия коронавирус таралу куркынычына каршы тору өчен югары дәрәҗәдә әзер. Бу турыда Дәүләт Думасының сәламәтлек саклау комитеты әгъзасы Александр Петровка сылтама белән РИА Новости хәбәр итә.
«Эпидемия куркынычсызлыгы күзлегеннән караганда, Россия Федерациясе югары дәрәҗәдә әзер», — диде Петров.
Александр Петровка «эпидемия куркынычы бармы», дигән сорау бирделәр. «Гадәти грипптан авыручылар һәм үлүчеләр статистикасы күпкә югарырак», — диде ул.
«Кешеләрне ниндидер яңа коронавирус дип куркыталар. Хәтта XVIII–XIX гасыр эпидемиясе кебек куркыныч булыр, дистәләгән миллион кеше үләр, дип уйлыйлар. Мондый хәл булмаячак. Бу заманча сәламәтлек саклау системасы вакытында мөмкин түгел», — диде депутат.
Кызыклы яңалыкларны күзәтеп бару өчен Телеграм-каналга язылыгыз