Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дәүләт Думасына 8 гыйнвар ял көнен 31 декабрьгә күчерү турындагы закон проекты кертелде
Бу төзәтмәләр хупланган очракта, алар киләсе елдан үз көченә керәчәк
(Казан, 10 ноябрь, «Татар-информ»). ЛДПР фракциясе депутатлары тарафыннан парламентның түбән палатасына 8 гыйнвар ял көнен 31 декабрьгә күчерү турындагы закон проекты кертелде, дип хәбәр итә ТАСС.
Депутатлар белдергәнчә, бу бәйрәм көнендә хезмәт эшчәнлегенең нәтиҗәлелеге түбән. Аларның фикеренә караганда, елның соңгы көнен бәйрәм көне дип игълан итү “бәйрәмгә әзерлекне җиңеләйтер, бәйрәм алды мәшәкатьләре белән йөрүче кешеләрдә уңай тәэсирләр булдырыр иде”.
Закон чыгаручылар искәртүенчә, ял көне белән эш көне булмаган көн туры килгәндә, РФ Хезмәт кодексы буенча ял көне бәйрәмнән соңгы эш көненә күчерелә. Димәк, РФ гражданнарына Яңа елны һәм Раштуаны бәйрәм итү өчен 9 көн – 31 декабрьдән 8 гыйнварга кадәрге вакыт бирелә, ди депутатлар.
Бу төзәтмәләр хупланган очракта, алар киләсе елдан үз көченә керәчәк.
Яңалыкларны күзәтеп бару өчен Макс-каналга язылыгыз