news_header_top
Руc Тат
16+
news_header_bot
news_top
Җәмгыять 18 июль 2019 15:33

Дәүләт Думасы ялган документлар ясаган өчен җәзаны катгыйландырды

Куллану максатында ялган документ ясаган, аны саткан өчен өч елга кадәр иректән мәхрүм итү яки шул ук срокка мәҗбүри эшләргә җәлеп итү күздә тотыла.

Скопировать ссылку

(Казан, 18 июль, «Татар-информ»). Дәүләт Думасы ялган документлар ясаган өчен җаваплылыкны катгыйландыруны күздә тоткан ике законны өченче укылышта кабул итте. Бу хакта РИА Новости агентлыгы хәбәр итә.

Хәзер ялган паспортлар, таныклыклар, ниндидер хокуклар бирә яки бурычлардан аза итә торган рәсми документлар сатып алган, саклаган, бер урыннан икенче урынга илткән яисә саткан өчен җинаять җаваплылыгы кертелә. Бу шулай ук штамплар, мөһерләр һәм бланкларга да кагыла.

Куллану максатында ялган документ ясаган, шулай ук аны саткан өчен өч елга кадәр иректән мәхрүм итү яки шул ук срокка мәҗбүри эшләргә җәлеп итү күздә тотыла.

Документны шул ук максатлар белән сатып алган, саклаган һәм бер урыннан икенче урынга илткән өчен бер елга кадәр иректән мәхрүм итү яки шул ук срокка мәҗбүри эшләргә җәлеп итү каралган.

Икенче закон, «миграция мәсьәләләре буенча бүлекчәләр» тарафыннан бирелгән машина йөртү таныклыклары яки документлар турында сүз барган очракта, шундый җинаятьләр өчен административ җаваплылыкны катгыйландыра.

Россия һәм чит ил паспорты, шулай ук шәхес яки гражданлыкны раслый торган башка документлар алу өчен күрә торып ялган мәгълүматлар бирүчеләрне өч меңнән биш меңгә кадәр административ штраф көтә. Вазифаи затлар өчен аның күләме 5-10 мең сум тәшкил итәчәк.

#паспорт #ялган документлар
news_right_1
news_right_2
news_bot