Сәясәт 26 июль 2017 14:24

Дәүләт Думасы социаль челтәрләрдә яла яккан өчен штраф турында канун проектын карый

Социаль челтәрләрдә хокук бозучы контент һәм яла яккан өчен штрафлар турындагы канун проекты көзге сессиядә карала.

Скопировать ссылку

(Казан, 26 июль, "Татар-информ"). Социаль челтәрләрдә яла яккан өчен штрафка тартырга мөмкиннәр. Социаль челтәрләрдә хокук бозучы контент һәм һәм яла яккан өчен штрафлар турындагы канун проекты көзге сессиядә депутатлар тарафыннан каралачак. Бу хакта “Бердәм Россия” фракция җитәкчесенең канун проектлары эшчәнлеге буенча беренче урынбасары Андрей Исаев җиткерде, дип хәбәр итә “Известия”.

Исаев үзе әлеге кануннар кабул ителер дип саный. Шулай да депутатларның канун үтәлешендә беркадәр шикләре бар. Аерым алганда, Россиядә теркәлмәгән чит ил социаль челтәрләре буенча.

Социаль челтәрләрдә хокук бозучы гамәлләргә бүгенге җәза бирү көчсез дип белдерә Исаев.

“Шундый ук канун Германия бундестагы тарафыннан кабул ителгән. Анда физик затларга штрафлар 500 меңнән 5 млн еврога кадәр, ә юридик затларга – 30 миллионнан 50 миллионга кадәр каралган”, – дип белдергән Андрей Исаев.

#Дәүләт Думасы

Сәхифәләр

Дәүләт Думасы социаль челтәрләрдә яла яккан өчен штраф турында канун проектын карый