Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дәүләт Думасы минималь хезмәт хакын арттыру турында закон кабул итте
Дәүләт Думасы пәнҗешәмбе көнне пленар утырышта 2020 елдан хезмәткә түләүнең минималь күләмен аена 12 мең 130 сумга кадәр арттыру турында хөкүмәт законын кабул итте.
(Казан, 12 декабрь, «Татар-информ»). Россия Дәүләт Думасы пәнҗешәмбе көнне пленар утырышта 2020 елдан хезмәткә түләүнең минималь күләмен аена 12 мең 130 сумга кадәр арттыру турында хөкүмәт законын кабул итте. Бу хакта РИА Новости хәбәр итә.
Закон нигезендә 2020 елның 1 гыйнварыннан минималь хезмәт хакы аена 12 мең 130 сум күләмендә билгеләнә. Бу 2019 елның II кварталы өчен яшәү минимумы күләменең 100 процентын тәшкил итә. 2019 елның 1 гыйнварыннан билгеләнгән минималь хезмәт хакы (аена 11 мең 280 сум) 850 сумга (үсеш 7,5 процент) арттырылачак.
Документка аңлатма язуында законны кабул итү 3,2 миллионга якын хезмәткәрнең хезмәт хакын күтәрүне тәэмин итәргә ярдәм итәчәк, диелгән.
Финанс-икътисади нигезләмәдә район коэффициентларын һәм хезмәт хакына процент өстәмәләрен куллануны исәпкә алып, минималь хезмәт хакы күләме үзәк һәм көньяк районнарда 850 сумнан һәм Чукотка автономияле округында (анда күрсәтелгән коэффициентларның һәм өстәмәләрнең иң зурысы билгеләнгән) 2550 сумга кадәр артачак.
Кызыклы яңалыкларны күзәтеп бару өчен Телеграм-каналга язылыгыз