Сәясәт 3 октябрь 2017 14:08

Дәүләт Думасы кышкы каникулларны кыскарту турындагы канун проектын карый

КПРФ фракциясе Дәүләт Думасына кышкы каникулларны кыскарту турындагы канун проектын керткән.

Скопировать ссылку

(Казан, 3 октябрь, "Татар-информ"). Дәүләт Думасы кышкы каникулларны кыскарту турындагы канун проектын карый. Аны КПРФ фракциясе керткән. Документта 31 декабрь, 1, 2 һәм 3 гыйнварны эш көннәре булмаган Яңа ел бәйрәм көннәре итеп билгеләп, 4, 5, 6 һәм 8 гыйнварны каникуллардан алырга тәкъдим ителә, дип яза "Известия" РБК сайтынаа сылтама белән.

Шуның белән бергә, ял көннәре итеп, 18 март (Кырымның Россиягә кушылу көне) һәм 7 ноябрь (Октябрь революциясе көне) тәкъдим ителә. Шулай итеп, елда яллар ике көнгә азрак булырга мөмкин.

Канун проекты Дәүләт Думасының Хезмәт, социаль сәясәт һәм ветераннар эше буенча комитетына җибәрелгән.

Исегезгә төшерәбез, 2018 елда эш көннәре булмаган көннәр белән туры килә торган 6 һәм 7 гыйнвар яллары 9 мартка һәм 2 майга күчерелде. Россия Хезмәт һәм социаль яклау министрлыгы шулай ук өч шимбәдән: 28 апрель, 9 июнь һәм 29 декабрьдән ял көннәрен дүшәмбе көннәренә – 30 апрельгә, 11 июньгә һәм 31 декабрьгә күчерергә тәкъдим итә.

#Кышкы каникул

Сәхифәләр

Дәүләт Думасы кышкы каникулларны кыскарту турындагы канун проектын карый