news_header_top_970_100
news_header_bot_970_100

Дәүләт Думасы курорт җыемы проектын хуплады

2018 елның 1 гыйнварыннан 2022 елның 31 декабренә кадәр төбәкләрдә курорт инфраструктурасыннан файдаланган өчен түләү кертү эксперименты үткәрелә.

(Казан, 16 июнь, "Татар-информ"). Алтай, Краснодар һәм Ставрополь өлкәләрендә һәм Кырымда курорт җыемы кертү турындагы канун проектын Дәүләт Думасының Физик культура, спорт, туризм һәм яшьләр комитеты хуплаган. Ул парламентның түбән палатасына закон проектын беренче укылышта кабул итәргә тәкъдим иткән, дип җиткерә “РИА Новости”.

Документ нигезендә, 2018 елның 1 гыйнварыннан 2022 елның 31 декабренә кадәр әлеге төбәкләрдә курорт инфраструктурасыннан файдаланган өчен түләү кертү эксперименты үткәрелә.

Курорт җыемы тәүлегенә 100 сумнан артмаячак, алынган акча курорт инфраструктурасын үстерүгә тотылачак.

Алдан, бу атнада, канун проекты Федерация Советының өч комитет утырышында хуплау тапкан. Утырыш нәтиҗәсендә “канун проекты, тулаем, сенаторлар тарафыннан хупланган, тәкъдимнәр һәм төгәлсезлекләр күрсәтелгән, алар эш барышында исәпкә алыначак”, – дип билгеләп үтә ТАСС агынтлыгы.

news_right_column_1_240_400
news_right_column_2_240_400
news_bot_970_100