Дәүләт Думасы депутаты Айрат Фәррахов «Язылу бүләк ит» акциясендә катнашты
Сәясәтче Казан хосписы, күпбалалы гаиләләр һәм ветераннарны «Сөембикә» журналы һәм «Шәһри Казан» газетасына яздырды.
(Казан, 25 декабрь, «Татар-информ», Динара Сираҗиева). Дәүләт Думасына Татарстаннан сайланган депутат Айрат Фәррахов өченче тапкыр «Язылу бүләк ит» хәйрия акциясендә катнашты.
Сәясәтче Казан хосписы, күпбалалы гаиләләр һәм ветераннарны 10ар данә «Сөембикә» журналы һәм «Шәһри Казан» газетасына яздырды.
Язылу бүләк ит» хәйрия акциясе Яңа ел алдыннан уза. Теләге булган һәркем иҗтимагый яки хәйрия оешмасын, шулай ук пенсионер яисә мохтаҗ гаиләне Татарстанда чыга торган теге яки бу басмага яздыра ала.
Әйтик, Фәррахов яздырган ветераннар арасында оныгын ялгызы тәрбияләүче олы яшьтәге хатын-кыз да бар.