Сәясәт 13 гыйнвар 2010 12:20

Дәүләт Думасы 2010 елдагы беренче утырышын үткәрә

Дәүләт Думасының язгы сессиясе “портфелендә” 550 дән артык закон проекты бар, шуның 50 се – өстенлекле

Скопировать ссылку

(Казан, 13 гыйнвар, “Татар–информ”). Бүген Дәүләт Думасы рәсми рәвештә язгы сессияне ача һәм 2010 елдагы беренче пленар утырышын үткәрә.
Чынлыкта депутатлар инде 11 гыйнварда ук эшкә кереште. Бу көннәрдә алда торган пленар утырышка акти әзерлек эшләре алып барылды, көн тәртибен, кайбер комитетларның утырышларын билгеләүче Дума Советлары узды. Шуларның берсендә – гражданлык, җинаять, арбитраж һәм процессуаль законнар комитеты утырышында Дәүләт Думасына Страсбург судын реформалаштыруга кагылышлы кеше хокуклары буенча Ауропа конвенциясенә 14 нче беркетмәне ратификацияләргә тәкъдим итү турында төп карар кабул ителде.
Дәүләт Думасының язгы сессиясе “портфелендә” 550 дән артык закон проекты бар, шуның 50 се – өстенлекле, дип хәбәр итте журналистларга палата спикеры Борис Грызлов.
Аның сүзләренә караганда, РФ Президентының Федераль җыенга Юлламасын гамәлгә ашыруны дәвам итү парламент сезонының төп бурычы булачак.

Сәхифәләр

Дәүләт Думасы 2010 елдагы беренче утырышын үткәрә