news_header_top_970_100
16+
news_header_bot_970_100

Чыганаклар: Алмаз Хисаметдинов иртәгә Татарстанның Арча районын җитәкләячәк

Чыганаклар: Алмаз Хисаметдинов иртәгә Татарстанның Арча районын җитәкләячәк
Фото: © «Татар-информ», Солтан Исхаков

ТР Министрлар Кабинетының Баш ветеринария идарәсе башлыгы Алмаз Хисаметдинов Татарстанның Арча районы хакимияте башлыгы вазифаларын башкаручы итеп билгеләнергә мөмкин. Бу хакта «Татар-информ» агентлыгына үз чыганаклары хәбәр итте.

Билгеләп үтелгәнчә, бу хакта район советы утырышында игълан ителәчәк, ә яңа җитәкчене ТР Дәүләт Советы Рәисе Фәрит Мөхәммәтшин тәкъдим итәчәк.

Хисаметдинов ТР Министрлар Кабинетының Баш ветеринария идарәсен 2013 елдан бирле җитәкли. Моңа кадәр ул Мамадыш районы башлыгы урынбасары вазифасын биләде.

Хисаметдинов «Татарстан Республикасының атказанган ветеринария табибы» һәм «Россия Федерациясенең атказанган авыл хуҗалыгы хезмәткәре» дигән мактаулы исемнәргә лаек булган.

autoscroll_news_right_240_400_1
autoscroll_news_right_240_400_2
news_bot_970_100