Чувашиянең Урмай авылы урта мәктәбе 160 еллык юбилеен билгеләп үтте
Скопировать ссылку
Комсомол муниципаль округының Урмай урта гомуми белем бирү мәктәбе 160 еллык юбилеен бәйрәм иткән. Бу хакта Бөтендөнья татар конгрессы хәбәр итте.
Мәктәп мөһим һәм матур датаны – 160 еллык юбилеен билгеләп үтте. Бу бәйрәм буыннарның җылы очрашуына әверелде. Залга төрле еллардагы чыгарылыш сыйныф укучылары, элеккеге укытучылар, мәгариф ветераннары – мәктәп гомеренең бер өлеше булган кешеләр җыелды, диелә хәбәрдә.
Сәхнәдә чакырылган кунаклар чыгыш ясаган. Укучылар тамашачылар өчен җыр һәм биюләр әзерләгән. Бәйрәмнең иң истәлекле мизгеле күңелне нечкәртә торган чыгыш – укытучылар хоры булган.