Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чувашиянең Сориле авылы мәчетендә кышкы курслар тәмамлануга багышланган очрашу булды
Чувашия Республикасы мөселманнары Диния нәзарәте Яльчик районының Сориле авылы мәчетендә Аллаһ йортына йөрүчеләр белән мәчет каршындагы кышкы курслар тәмамлануга багышланган йомгаклау очрашуы үткәрде. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.
Узган елның ноябреннән бирле ислам нигезләрен үзләштергән шәкертләр алган белемнәре белән уртаклашу өчен түгәрәк өстәл янына җыелды. Мөгаллимнәр билгеләп үткәнчә, шәкертләрнең саны елдан-ел арта бара.
Чувашия Республикасы мөселманнары Диния нәзарәте рәисе, Чувашия Республикасы Иҗтимагый палатасы әгъзасы Мансур хәзрәт Хәйбуллов, чарага җыелган мөселманнар каршында чыгыш ясап, мәхәлләнең соңгы биш елдагы эшчәнлегенә нәтиҗә ясады һәм белем алуның әһәмияте хакында сөйләде.
Мансур хәзрәт шулай ук Аллаһ йорты җитәкчелеге һәм мәчеткә йөрүчеләрнең эшчәнлеген югары бәяләде, мәчет имамы Шәүкәт хәзрәт Сәлахетдиновка, остазлар Гали хәзрәт һәм Тәскирә ханымга халыкка рухи-әхлакый тәрбия бирүдә зур өлеш керткәннәре өчен рәхмәт белдерде.
Кызыклы яңалыкларны күзәтеп бару өчен Телеграм-каналга язылыгыз