Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чүпрәледә хәрби операциядә һәлак булган егетнең әти-әнисенә шифаханәгә юллама бирделәр
Буа һәм Чүпрәле районнары хәрби комиссары Радик Төхфәтуллин махсус хәрби операциядә һәлак булган Михаил Чашкинның әти-әнисе белән очрашты. Надежда Петровна һәм Юрий Михайлович Чүпрәле районы администрациясенә чакырылды, аларга «Наратлык» шифаханәсенә юллама тапшырылды. Бу хакта «Туган як» сайтында хәбәр ителә.
Буа һәм Чүпрәле районнары хәрби комиссары Радик Төхфәтуллин Чашкиннарга батыр ул тәрбияләгән өчен рәхмәт белдерде. «Сезнең улыгыз махсус хәрби операциядә үзен чын герой буларак күрсәтте, намус белән үзенең хәрби бурычын үтәде. Без һәрвакытта сезгә ярдәм итәргә әзер», - диде ул.
Хәрби комиссар сүзләренчә, шифаханәләрдә дәвалану өчен сертификатлар нәкъ менә махсус хәрби операциядә һәлак булганнарның әти-әниләренә юлланган. «Ял итсеннәр, сәламәтлекләрен яхшыртсыннар иде. Шифаханәләргә юллама Татарстанның хәрби комиссары Сергей Погодин карары белән тапшырыла», - ди Радик Төхфәтуллин.
Кече сержант Михаил Юрьевич Чашкин Чуваш Чүпрәлесе авылында туган. Ул Ульяновск өлкәсендә контракт буенча хәрби хезмәттә була. Махсус хәрби операциядә бурычын үтәгәндә ул кыюлык һәм батырлык күрсәтеп һәлак булды, 29 майда ул туган авылында җирләнде. Батырлык ордены белән бүләкләнгән.
Аннары Хәрби комиссар Радик Төхфәтуллин Иске Чүпрәленең 1нче урта мәктәбенең актлар залында «Батырлык дәресе» үткәрде.
Кызыклы яңалыкларны күзәтеп бару өчен Телеграм-каналга язылыгыз