Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чүпрәле егетләре ике атналык ялдан соң махсус хәрби операция зонасына китте
Чүпрәледән мобилизацияләнгән ир-егетләр, ике атналык ялдан соң, янә махсус операция зонасына китте. Хәрбиләрне озату чарасы Петр Дементьев исемендәге паркта булды.
Ир-егетләрне тантаналы төстә каршы алып, озату чаралары оештырыла. Шулай ук, алар ял вакытында район башлыгы Марат Гафаров белән очрашуга килә, үзләре белем алган мәктәпләрдә булып, укучылар белән очраша, патриотик һәм спорт чараларында катнаша. Бу хакта «Туган як» сайты хәбәр итә.
Озату чарасында районы башлыгы Марат Гафаров хәрбиләргә мөрәҗәгать итеп, алга таба да илнең, районның батыр хәрбиләре булып калуларын, хәерле юл теләде, очрашу барышында сораган кирәк-яракларын тапшырды.
Хәрбиләр ял вакытларында туганнары, дуслары һәм авылдашлары белән күрешүләре хакында уртаклашты.
«Минем өчен әлеге яллар иң кадерле яллар булды. Махсус хәрби операция зонасында катнашу тормышның, яшәешнең, якыннарының кадерен белергә өйрәтә. Күп вакыт әти-әниләргә, тормыш иптәшеңә, туганнарыңа шалтыратып, хәл белешүне икенче планга калдырабыз, янәсе иртәгә дә өлгерермен әле, дибез. Иртәгә соң булырга мөмкин, мин шуны аңладым. Гаилә һәркем өчен иң беренче урында булырга тиеш», – диде Зур Чынлы авылыннан мобилизацияләнүче.
Кече Чынлыдан Кадрия апа Аббазова оныгын озатты. «Беренче китүендә өч көн еладым. Хәзер әзрәк тынычландык инде. Сөйләшеп тә торабыз. Менә ялга кайтты, бөтен туганнарны чакырдык, мул табыннар җыйдык. Исән-имин йөрсеннәр балалар. Оныгым өйләнмәгән дә әле. Аның туй көннәрен күрүне Ходай насыйп итсә иде, дип дога кылам», – диде ул.
Кызыклы яңалыкларны күзәтеп бару өчен Телеграм-каналга язылыгыз