Чирмешән районы ансамбле төбәкара фольклор фестивалендә диплом алган

Анда Әккәрәй авылы ансамбле чуваш халкының кич утырганда һәм табын артында еш яңгыраган җырларын башкарган.

(Чирмешән, 31 март, «Татар-информ», «Безнең Чирмешән», Кадрия Гамирова). Чирмешән районы Әккәрәй авылы мәдәният йортының «Щелкусь» халык фольклор ансамбле «Чуваш җәүһәрләре» төбәкара фольклор фестиваленнән икенче дәрәҗәле дипломга ия булды.

Фестиваль Чабаксар шәһәрендә узган. Чирмешән ансамбле Идел-Урал төбәгеннән җыелган кырыклап фольклор коллективы арасында чыгыш ясады.

Фестивальдә катнашучылар үз халыкларының төрле йолаларын, гореф-гадәтләрен күрсәткән. Әккәрәй авылы ансамбле чуваш халкының кич утырганда һәм табын артында еш яңгыраган җырларын башкарган.