Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Үзбәкстаннан килгән кыз Әлфия Авзалова исемендәге Халыкара конкурс лауреаты булды
Фәрәнгиз Исманова балалар сәнгать мәктәбенең эстрада-вокал бүлегендә укый.
(Казан, 30 ноябрь, «Татар-информ»). Казанда Әлфия Авзалова исемендәге II Халыкара конкурсында Үзбәкстанның Андижан өлкәсенең Жалалкуд районындагы 18нче балалар сәнгать мәктәбенең эстрада-вокал бүлеге укучысы Фәрәнгиз Исманова лауреат булды.
Фәрәнгиз Исманова барлык этапларны да узды һәм гала-концертка юллама алды. Татарстан Республикасының Үзбәкстан Республикасындагы вәкиллеге матбугат хезмәте шул хакта хәбәр итте.
«Әлфия Авзалова исемендәге II Халыкара конкурста катнашуыма мин бик шат. Бу бәйрәмне оештыручыларга, аерым алганда Зөлфия Авзаловага, Равил Нигъмәтҗановка, Салават Фәтхетдиновка, режиссерларга, тавыш операторларына һәм бөек татар җырчысы Әлфия Авзалова истәлегенә оештырылган бу бәйрәмдә катнашучыларга рәхмәт әйтәсем килә», — диде Фәрәнгиз.
Фестивальдә дөньяның төрле илләреннән 400дән артык кеше катнашты, аларны Татарстан Республикасының халык артисты Салават Фәтхетдинов җитәкчелегендәге жюри бәяләде.
Салават Фәтхетдинов, Филүс Каһиров, Гүзәл Уразова, Фердинанд Сәлахов Россия Федерациясенең һәм Татарстан Республикасының башка танылган җырчылары катнашындагы концерт «Пирамида» мәдәни-күңел ачу комплексында узды.
Кызыклы яңалыкларны күзәтеп бару өчен Телеграм-каналга язылыгыз