Камил Фәйзрахманов Курган зиратына җирләнә
Камил Фәйзрахмановны соңгы юлга озату мәрасиме Мәрҗани мәчете ишегалдында булды.
Скопировать ссылку
(Казан, 29 декабрь, «Татар-информ»). Татарстанның һәм Россиянең халык артисткасы Венера Ганиеваның ире, танылган тавыш режиссеры Камил Фәйзрахманов Курган зират комплексында җирләнә.
Камил Фәйзрахмановны соңгы юлга озату мәрасиме Мәрҗани мәчете ишегалдында булды.
Мәрхүм белән хушлашу сүзләрен ТР мәдәният министры урынбасары Дамир Натфуллин, Муса Җәлил исемендәге Татар академия дәүләт опера һәм балет театры Рәүфәл Мөхәммәтҗанов, гаилә дусты, танылган артист Равил Шәрәфиев әйтте.
Татарстанның һәм Россиянең халык артисткасы Венера Ганиева килүчеләргә рәхмәтләрен җиткерде.
Җеназа намазын Мансур хәзрәт Җәләлетдинов укыды.