Югары Осланда яшәүчеләр өчен Тукайга багышланган әдәби онлайн-кичә үткәрелде

Яңа Болгар авылында яшәүчеләр бөек шагыйрь иҗаты белән якыннан танышты.

(Казан, 28 апрель, «Татар-информ»). Югары Ослан районының Яңа Болгар авылы клубы җитәкчесе Айгөл Нуриева балалар өчен бөек татар шагыйре Габдулла Тукай иҗатына багышланган әдәби онлайн-кичә оештырды. Бу хакта «Волжская новь» яза.

Габдулла Тукай балалар әдәбиятын булдыруга зур игътибар бирә, аның төп мотивы табигатькә мәхәббәт. Айгөл Нуриева сүзләренчә, онлайн уку өчен табигать турында шигырьләр сайлап алынган.

Кичәдә Габдулла Тукайның «Пушкинга» һәм «Шагыйрь» шигырьләре, «И туган тел» җыры да яңгыраган.