Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллы татар дәүләт драма театрында сезон ачылышын кичектерү сәбәбен аңлаттылар
Театрның яңа бинасында беренче спектакль ноябрь ахырында куелачак.
(Чаллы, 28 октябрь, «Татар-информ»). Чаллы татар дәүләт драма театрында сезон ачылышын ике айга диярлек кичектерүләрен аңлаттылар.
Сәнгать җитәкчесе Олег Кинҗәгулов сүзләренчә, репертуарны яңа сәхнәгә көйләү өчен күп вакыт китә.
«Безнең театрның күп кенә спектакльләре иске бинаның кечкенә сәхнәсенә көйләнгән иде. Яңа бинага күчкәч, безнең зур сәхнәбез һәм залыбыз булды, шуңа күрә күп кенә спектакльләрне үзгәртергә туры килә», — диде ул.
Театрның яңа бинасында беренче спектакль ноябрь ахырында куелачак. Ул Илгиз Зәйниев пьесасы буенча куелган «Туйга ничә көн кала» музыкаль комедиясе булачак.
«Яңа бинада күрсәтелә торган беренче спектакль ныклап әзерләнгән булырга тиеш. Бу спектакль театр тарихына кереп калачак. Аның төерле коймак кебек булуын теләмибез», — диделәр театрда.
Кызыклы яңалыкларны күзәтеп бару өчен Телеграм-каналга язылыгыз