Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Татар-информ» хезмәткәре Глеб Михалёвның шигырьләре «Литературная газета»да басылды
Газетаның «Многоязыкая лира России» рубрикасында тиздән поэтик антологиядә дөнья күрәчәк әсәрләр тәкъдим ителгән.
(Казан, 28 июль, «Татар-информ», Рузилә Мөхәммәтова). «Татар-информ» хезмәткәре Глеб Михалёвның шигырьләре «Литературная газета»да басылып чыкты.
Газетаның «Многоязыкая лира России» рубрикасында тиздән поэтик антологиядә дөнья күрәчәк әсәрләр тәкъдим ителгән. Алар арасында дүрт шагыйрь — Татарстан язучылар берлеге рәисе урынбасары Илсөяр Иксанова, Казан консерваториясе профессоры Елена Бурундуковская, шагыйрь һәм тәрҗемәче Наил Ишмөхәммәтов һәм Глеб Михалёв шигырьләре бар.
Рубрикада Татарстан прозасы буларак, «Казан утлары» журналының баш мөхәррире Рөстәм Галиуллин хикәясе бирелгән. Рубрикада, шулай ук, язучы һәм публицист Лирон Хәмидуллинның «Откуда Есенин знал Тукая» мәкаләсе бар.
«Шигырьләремне Лилия Газизова сорап алган иде, газетага ул әзерләгән. Рәхмәт аңа! „Литератургая газета“ дәрәҗәсендәге басмада басылу дәрәҗә инде, бер шагыйрь дә баш тартмас иде», — ди Глеб Михалёв.
Глеб Михалёв Кемерово өлкәсенең Югра шәһәрендә туган. Казан Дәүләт Авиация институтында (КАИ) укыган, Казан дәүләт университетының физика факультетын тәмамлаган. Россия һәм чит ил матбугатында, коллектив җыентыкларда басыла. «О жизни комаров. И прочих…» (2016) һәм «51» (2018) дигән шигырь җыентыклары авторы.
Кызыклы яңалыкларны күзәтеп бару өчен Телеграм-каналга язылыгыз