Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Татар язуы тарихы» инсталляциясе сайты эшли башлады
Инсталляциядә борынгы төрки руннар, уйгыр язуы, гарәп, латин һәм кириллица нигезендәге татар язуларының тарихы бар.
(Казан, 28 апрель, "Татар-информ"). Габдулла Тукайның 135 еллыгы уңаеннан Татарстан Республикасы Милли Китапханәсе яктылык-кинетик инсталляция сайтын тәкъдим итә. Ул http://kitaphane.tatar адресы буенча урнашкан.
Милли китапханәнең матбугат хезмәте хәбәр иткәнчә, сайтта объект турында тулы мәгълүмат һәм инсталляциядә урын алган һәрбер әлифбаның — борынгы төрки руннар, уйгыр язуы, гарәп, латин һәм кириллица нигезендәге татар язуларының тарихлары урнашкан. Биредәге мәгълүмат рус, татар һәм инглиз телләрендә тәкъдим ителә.
Яктылык-кинетик инсталляциясе — Милли китапханәнең яңарган бинасына керә торган урынның төп объекты. Ул биш татар әлифбасының 287 хәрефеннән тора. Түшәмгә беркетелгән элементлар туктаусыз хәрәкәтләнә һәм төрле формаларга керә. Объектның авторлары — Роберт Хәсәнов, Илья Файнберг, Людмила Забрускова һәм Юлия Туранова.
Кызыклы яңалыкларны күзәтеп бару өчен Телеграм-каналга язылыгыз