Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кол Шәриф мәчетендә Татар шамаиле галереясендә «Фатыйха: яңа үрләр» күргәзмәсе ачыла
Биредә «Фатыйха» иҗат төркеменең гарәп каллиграфиясе техникасында башкарылган утыздан артык эше тәкъдим ителә.
(Казан, 27 октябрь, «Татар-информ»). Иртәгә, 28 октябрьдә, Кол Шәриф мәчетендә урнашкан Татар шамаиле галереясендә «Фатыйха: яңа үрләр» күргәзмәсе ачыла. Бу турыда Татарстан Мәдәният министрлыгының матбугат хезмәте хәбәр итте.
«Фатыйха» иҗат төркеменә Айзат Минһаҗев һәм Гөлназ Исмәгыйлева (Казан-Истанбул), Айрат Хисмәтуллин (Екатеринбург), Назыйм Исмәгыйлев һәм Роза Хуҗина (Казан) керә. Күргәзмә каллиграф — рәссамнар иҗаты белән таныштыра. Биредә гарәп каллиграфиясе техникасында башкарылган утыздан артык эш тәкъдим ителә. Күргәзмә Мәүлид ән-Нәби бәйрәме көнендә — Мөхәммәд пәйгамбәрнең туган көнендә ачыла.
Күргәзмәне ачу тантанасында авторлар катнашачак. Чара 15.00 сәгатьтә башлана.
Күргәзмә 2021 елның февраль аена кадәр дәвам итәчәк.
Кызыклы яңалыкларны күзәтеп бару өчен Телеграм-каналга язылыгыз