Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
2021 елда Татарстан халыклары мәдәниятен саклау проектларына 58,9 млн бүлеп бирелгән
Республикада Туган телләр һәм халыклар бердәмлеге елы уңаеннан, социаль юнәлешле коммерцияле булмаган оешма проектларына игътибар бирелә.
(Казан, 27 июль, «Татар-информ»). 2021 елның беренче яртыеллыгында Татарстан халыклары мәдәниятен, телен, гореф-гадәтләрен саклау, өйрәнү һәм үстерүгә юнәлдерелгән проектларны тормышка ашыруга 38 оешма 58 млн 992 мең сумлык дәүләт финанс ярдәме алды.
Татарстан Республикасы мәдәният министры урынбасары Дамир Натфуллин Татарстан Мәдәният министрлыгы каршындагы Иҗтимагый совет утырышында шул хакта әйтте. Утырыш беренче яртыеллыкта ведомство максатларын һәм бурычларын халык алдында формалаштыру проектын гамәлгә ашыру нәтиҗәләренә багышланган иде.
«Татарстан Республикасы Президенты Рөстәм Миңнеханов тарафыннан 2021 ел республикада Туган телләр һәм халыклар бердәмлеге елы буларак расланды. Шунлыктан, социаль юнәлешле коммерцияле булмаган оешма проектларына басым ясалды», – диде Натфуллин.
2021 елның беренче кварталында Татарстан халыклары мәдәниятен, телен, гореф-гадәтләрен саклап калуга, өйрәнү һәм үстерүгә юнәлдерелгән проектларны тормышка ашыру өчен социаль юнәлешле коммерцияле булмаган биш оешма финанс ярдәме алды, икенче кварталда – 33 оешма.
Аларның утызы Татарстан Хөкүмәте тарафыннан ил төбәкләрендә этномәдәни проектларны тормышка ашыра торган иҗтимагый оешмаларга ярдәм итү буенча уздырылган конкурс нәтиҗәләре буенча грант алды. Грантларның гомуми суммасы 10 млн сумлык булды.
Кызыклы яңалыкларны күзәтеп бару өчен Телеграм-каналга язылыгыз