Мәдәният 27 июль 2020 14:21

Татарстанда «Кино төне» бөтенроссия акциясе 38 мәйданчыкта узачак

Татарстан Хөкүмәте ачык һавада кино күрсәтергә рөхсәт итә торган карар чыгарды.

Скопировать ссылку

(Казан, 27 июль, «Татар-информ»). Татарстан 29 августта узачак «Кино төне» бөтенроссия акциясенә кушылачак. Республикада төрле шәһәрләрдә һәм бистәләрдә, шул исәптән Казанда, 38 ачык һәм ябык мәйданчык җиһазландырылачак. Бу хакта Татарстан Мәдәният министрлыгы матбугат хезмәте хәбәр итә.

«Агымдагы ел программасына «Иван Царевич һәм Серый волк 4» анимацион фильмы, илнең иң популяр сиквелларының берсе режиссер Жора Крыжовниковның «Лёд2» һәм режиссер Клим Шипенконың «Холоп» фильмы кертелгән.

Фильмнар Роспотребнадзор билгеләгән куркынычсызлык кагыйдәләрен үтәп күрсәтеләчәк», — дип билгеләп үттеләр матбугат хезмәтендә.

Якынча бәяләүләр буенча, Татарстанда кинолар 5 меңгә якын тамашачыны җәлеп итәчәк.

Элегрәк Татарстан Министрлар Кабинеты республикада парк, сквер һәм яр буйларында кино күрсәтергә рөхсәт итә торган карарны бастырды.

«Кино төне»ннән тыш, августта татарстанлылар өчен саф һавада кино күрсәтү белән бәйле тагын берничә акция узачак. ТАССРның 100 еллыгы уңаеннан яшь татар республикасының барлыкка килү һәм формалашу тарихында якты эз калдырган танылган кешеләр турында видеороликлар сериясе күрсәтеләчәк. Моннан тыш, Татарстан киносы фестивале кысаларында кинолар күрсәтү планлаштырыла.

Сәхифәләр

Татарстанда «Кино төне» бөтенроссия акциясе 38 мәйданчыкта узачак