Тинчурин театры архив спектакльләрен интернеттан күрсәтә башлый

Театр беренче итеп Кәрим Тинчуринның «Американ» спектаклен урнаштырган.

(Казан, 27 март, «Татар-информ», Рузилә Мөхәммәтова). Казанның Кәрим Тинчурин театры үзенең архив спектакльләрен видеоязмада карарга тәкъдим итә. Бу мәгълүматны театрның матбугат үзәге җиткерде. 

«Бүгеннән башлап, спектакльләрне театрның рәсми Ютуб-каналыннан карарга мөмкин. Спектакльләр бушлай күрсәтелә. Сайтта һәм социаль челтәрләрдәге яңалыкларны күзәтеп барыгыз», — дип язылган чакыруда.

Театр беренче итеп Кәрим Тинчуринның «Американ» спектаклен интернетка урнаштырган.