Татарстан халык шагыйре Казанның Яңа Татар бистәсе зиратына җирләнә

Роберт Миңнуллинны 28 мартта Галиәсгар Камал театры яныннан соңгы юлга озатачаклар.

(Казан, 27 март, «Татар-информ»). Роберт Миңнуллин Казанның Яңа Татар бистәсе зиратына җирләнәчәк. Бүген халык шагыйре вафаты сәбәпле ТР Дәүләт Советында җыелган утырышта озату мәсьәләләре каралган.

Роберт Миңнуллин иртәгә соңгы юлга Галиәсгар Камал театры яныннан озатыла: аның җәсәде иртәнге сәгать 9да театр каршындагы мәйданга китереләчәк. Хушлашу мәрасименең рәсми өлеше 9.30 сәгатькә билгеләнгән.

Халык шагыйренең вафаты бүген иртән билгеле булды.