news_header_top_970_100
16+
news_header_bot_970_100

Минзәләдә Сәет Шәкүровның «Тол хатыннар, тол кызлар» спектакле тәкъдим ителде

Спектакль Бөек Җиңүнең 75 еллыгы һәм ТАССР оешуының 100 еллыгына багышлап сәхнәләштерелде.

Минзәләдә Сәет Шәкүровның «Тол хатыннар, тол кызлар» спектакле тәкъдим ителде
http://tatar-congress.org/

(Казан, 27 гыйнвар, «Татар-информ»). Минзәлә районы Тауасты Байлар мәдәният йортында эшләп килүче «Нур» театр коллективы Сәет Шәкүровның «Тол хатыннар, тол кызлар» спектаклен Минзәлә мәдәният сараенда халыкка тәкъдим итте.

Театрның матбугат хезмәтенә сылтама белән Бөтендөнья татар конгрессы хәбәр итүенчә, спектакль Бөек Җиңүнең 75 еллыгы һәм ТАССР оешуының 100 еллыгына багышлап сәхнәләштерелде.

  • Әлеге коллектив 1990 елдан бирле эшләп килә. 2007 елда халык театры дигән исем алды. Коллективның житәкчесе — атказанган мәдәният хезмәткәре Гайниева Мөслимә.
  • 2020 елда коллектив Шамил Зиннуров исемендәге Хнчы төбәкара «Идел йорт» театр фестивалендә беренче урынга лаек булып 100 мең акчага сертификат белән бүләкләнде.

Беренче ролен башкаручы гимназия укучысы Лилия Галимҗанованың сәхнәдә басып торуы яшьләребез арасында туган телебезнең югалмый саклануын дәлилли.

22 гыйнвар көнне «Нур» халык театры Тукай районы Күзкәй мәдәният йортында әлеге спектакль белән чыгыш ясады. Чара тәҗрибә уртаклашу максаты белән оештырылды. Тамашачы спектакльне яратып кабул итте, рольләрне башкаручыларны чәчәкләргә күмде.

autoscroll_news_right_240_400_1
autoscroll_news_right_240_400_2
news_bot_970_100