Ришат Төхвәтуллин онлайн-концертлар сериясен дәвам итә
Ришат Төхвәтуллин онлайн-концертын үзлектән изоляцияләнүчеләргә ярдәм итү йөзеннән үткәрә.
(Казан, 26 март, «Татар-информ»). Коронавирус булу сәбәпле, республиканың популяр артистлары чыгышларын, гастрольләрен туктата, онлайн концертлар сериясен ачып җибәрә. Бүген #Айдадомой онлайн-концертлар сериясен Татарстанның атказанган артисты Ришат Төхвәтуллин дәвам итә
Концертның туры эфиры Татарстан Республикасының рәсми интернет-берләшмәләре мәйданчыкларында «ВКонтакте», «Одноклассники» һәм Instagram социаль челтәрләрендә күрсәтелә.
Проект, коронавирус таралу сәбәпле, карантинда утыручылар өчен гамәлгә ашырылды. Татарстанның халык артистыСалават Фәтхетдинов бу проект кысаларында беренчеләрдән булып онлайн-концерт куйды.
Онлайн-концертлар махсус санитар-эпидемиологик режим вакытында даими рәвештә трансляцияләнәчәк.