«Ел китабы» бәйгесе җиңүчеләре билгеле
Лауреатларны тәбрикләү тантанасы ТР Милли китапханәсендә үтте.
(Казан, 25 ноябрь, «Татар-информ», Рузилә Мөхәммәтова). Милли китапханә «Ел китабы — 2019» конкурсына нәтиҗә ясады һәм бүген лауреатларны билгеләде. Тәбрикләү тантанасы Милли китапханәнең конференц-залында узды.
Җиңүчеләрне ТР мәдәният министры Ирада Әюпова, ТР Язучылар берлеге рәисе Ркаил Зәйдулла, ТР Милли китапханә директоры Мәдинә Тимерҗанова котлады.
«Татар телендәге проза» номинациясе:
1 урын — Нәбирә Гыйматдинова «Үлмәс»;
2 урын — Равилә Шәйдуллина «Карт шомырт хатирәсе»;
3 урын — Рәмзия Габделхакова «Канатсыз очыш»;
Кызыксындыру дипломы — Зифа Кадырова «Яраларың белән яратырмын».
«Татар телендәге поэзия» номинациясе:
1 урын — Фәнис Яруллин «Йөрәкләрдә кабат терелә…»;
2 урын — Рифә Рахман «Сине сөям дисең…»;
3 урын — Сания Әхмәтҗанова «Язмышлар такыясы»;
Кызыксындыру дипломы — Халисә Мөдәррисова «Вакытларны булмый туктатып», Рифат Җамал «Өн», Рөстәм Сүлти «Мосафир».
«Балалар әдәбияты» номинациясе:
1 урын — Фоат Садриев «Тургай»;
2 урын — Фәйрүзә Мөслимова «Татарча әлифба»;
3 урын — Роберт Миңнуллин «Малай-шалайлар»;
Кызыксындыру дипломы — Рафис Корбан «Тимерле чәй», Алмаз Гыймадиев «Селфи таягы».
«Татар телендә публицистика һәм фәнни-популяр әдәбият» номинациясе:
1 урын — Рәзил Вәлиев «Вәгъдә — иман»;
2 урын — Ркаил Зәйдулла «Татар таҗы»;
3 урын — Газинур Морат «Ике икең биш була»;
Кызыксындыру дипломы — Марсель Галиев «Мин шулай күрәм=Я так вижу=I see it this way», Гомар Саттар «Татар исемнәре».
«Рус телендә публицистика һәм фәнни-популяр әдәбият» номинациясе:
1 урын — Марсель Бакиров «Прототюрки: изначальная прародина, ранние племена и язык, история и этнокультура»;
2 урын — Гамирҗан Дәүләтшин, Фаяз Хузин «Булгарская цивилизация на Волге»;
3 урын — Искәндәр Гыйләҗев «Город Казань и Казанский университет в начале ХХ века».
«Рус телендә басылган китаплар» номинациясе:
1 урын — Ольга Иванова «Гаухаршад»;
2 урын — «С Востока свет: проза татарских писателей» (төзүче — Гәүһәр Хәсәнова);
3 урын — Әхәт Мушинский «Иренка».