Октябрьдә Нурбәк Батулланың «Sak-sok» перформансы хореографлар конкурсында катнаша

«Алтын битлек» театр премиясе лауреаты Context. Diana Vishneva яшь хореографлар конкурсы финалында «Сак-Сок» бәете эскизы белән катнаша.

(Казан, 25 сентябрь, «Татар-информ»). Октябрь аенда биюче Нурбәк Батулла Context. Diana Vishneva яшь хореографлар конкурсы финалында «Сак-Сок» бәете перформансы белән чыгыш ясаячак. Бу хакта «Алтын битлек» театр премиясе иясе Андрей Кузьминга «100 процент Татарстан» проекты өчен биргән интервьюсында сөйләде.

«Соңгы җиңү —Context. Diana Vishneva яшь хореографлар конкурсы өчен безнең эскиз. Карантин вакытында видео җибәрдек, безне финал турына сайлап алдылар һәм без 14-15 октябрьдә Мәскәүдә, ә 18 октябрьдә Санкт — Петербургта үз эшебезне күрсәтәчәкбез», - диде Батулла. 

«Без Context өчен „Сак-Сок“ны татар бәете нигезендә ясыйбыз. Без сюжет ясамыйбыз, чөнки безгә әлеге әсәр белән бәйле рәвештә үз ассоциацияләребезне күрсәтү кызыграк», — диде ул.

Куелышта дүрт кеше катнашачак. Мәсәлән, брейкинг һәм хип-хоп белән шөгыльләнүче урам биючесе Марат Казиханов һәм «Әлиф»тә катнашкан вокалчы Таня Ефремова.

«100 процент Татарстан» онлайн-проекты ТАССРның 100 еллыгына багышланган һәм ул 2020 елның 30 августыннан 10 сентябренә кадәр узды.