Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан университеты музеена нигез салучы Стелла Писарева вафат
1979 елда ул Казан университетының Тарих музеен ачкан һәм аны 39 ел җитәкләгән.
(Казан, 25 май, «Татар-информ», Диана Авакян). Татарстанның атказанган мәдәният хезмәткәре Стелла Писарева 95 яшендә вафат булды. Бу хакта «Татар-информ» агентлыгына Казан федераль университетының матбугат хезмәтеннән хәбәр иттеләр.
1979 елда ул Казан университетының Тарих музеен ачкан һәм аны 39 ел җитәкләгән. Анда Писарева йөзләгән күргәзмә, семинар һәм конференцияләр оештырган. Шактый өлкән яшьтә булуына карамастан, Горький һәм Шаляпин музееның өлкән фәнни хезмәткәре булып эшләвен дәвам иткән.
Стелла Писарева 1946 елда Казан дәүләт университеты тарих-филология факультетының филология бүлеген тәмамлаган. Ул үзенең бөтен гомерен республикада музейлар төзүгә багышлаган. А.М.Горький музеенда, ТАССР Дәүләт музеенда эшләгән. Бөгелмәдә – Я.Гашек музеен, Чаллыда – шәһәр тарихы һәм КамАЗ төзелеше музеен, Кырлай авылында Тукай музеен (һ.б.) ачуда катнашкан.
Кызыклы яңалыкларны күзәтеп бару өчен Телеграм-каналга язылыгыз