«Мары шәһәре – төрки дөньяның мәдәни башкаласы» программасы тантаналы ябыла

 (Казан, 24 ноябрь, "Татар-информ"). 26-28 ноябрьдә Төрекмәнстанда, Мары шәһәренең төрки дөнья башкаласы дип игълан ителгән елның тәмамлануы уңаеннан, тантаналы чаралар уздырылачак. Бу хакта Татарстан Республикасы Мәдәният министрлыгының матбугат хезмәте хәбәр итә. ТР Хөкүмәте планында исә шуларда Татарстан делегациясе катнашачагы турында әйтелә.

26 ноябрьдә ТӨРКСОЙ Даими советының XXXIII утырышы – әлеге оешма әгъзасы булып торган илләрнең мәдәният министрлары очрашуы – программада каралган иң күренекле вакыйга булачак.

27сендә Марының «Ак ойи» концерт залында Төрекмәнстанның Даими кагылгысызлыгына 20 ел тулуга багышланган зур концерт күрсәтелә.

28ендә Мары вилаятенең дәүләт драма театрында «Мары – 2015 елда төрки дөньяның мәдәни башкаласы» программасы тантаналы кичә белән ябылачак.