Иске Минзәләбаш мәктәбендә авыл тарихы музее ачылды

Авыл халкы, укытучылар һәм укучылар ярдәме белән бик күп экспонатлар җыелган.

(Сарман, 24 сентябрь, «Татар-информ», «Сарман»). Сарман районының Иске Минзәләбаш төп гомуми белем бирү мәктәбендә авыл тарихы музее ачылды. Музейга күптән нигез салынган. Авыл халкы, укытучылар һәм укучылар ярдәме белән бик күп экспонатлар җыелган. Бигрәк тә өлкән яшьтәге авыл халкы, укытучылар музей төзү идеясе белән янганнар, көчләрен дә, вакытларын да кызганмаганнар. 

Музейны ачу тантанасында Сарман районы башкарма комитеты җитәкчесе Фәндәс Вәлиев, Сарман районы башкарма комитеты җитәкчесенең социаль эшләр буенча урынбасары Индира Сахипова, Сарман районы башкарма комитеты мәгариф бүлеге җитәкчесе Гөлшат Идрисова, Иске Минзәләбаш авыл җирлеге башлыгы Айдар Габдрахманов һ.б. чыгыш ясады.