Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанда Хәмдүнә Тимергалиева исемендәге урам барлыкка килергә мөмкин
Шулай ук берәр мәдәният йортына Хәмдүнә Тимергалиева исемен бирү тәкъдим ителәчәк.
(Казан, 23 октябрь, «Татар-информ», Гөлнар Гарифуллина). Башкортстанның Борай район үзәгендәге берәр урамга Хәмдүнә Тимергалиева исеме бирелергә мөмкин. Бу хакта Казанда Ш.Мәрҗани мәчетендә җырчының кырыгына багышланган Коръән мәҗлесе алдыннан «Татар-информ» хәбәрчесенә җырчы Илһам Шәриф әйтте.
«Борайда район үзәгендә урам исеме бирергә дип җирләгәндә үк сөйләштем. Шулай ук, райондагы берәр мәдәният йортына аның исемен бирергә исәплибез. Әле бу хакта сөйләшмәдек», — диде.
Ул шулай ук киләсе елның маенда каберенә һәйкәл рәвешендә таш куйдыру нияте булганын да әйтте. «Кадим Назыйрович (Нуруллин — Т.И. искәрмәсе) белән сөйләштек, туган көненә киләсе елда һәйкәл кебек эшләтеп, таш куйдырырга планлаштырган идек», — дип сөйләде Илһам Шәриф.
Татар дәүләт филармониясе директоры Кадим Нуруллин бу хакта Коръән ашында ясаган чыгышында да әйтте. Татарстан мөселманнары Диния нәзарәте Аксакаллар шурасы рәисе урынбасары, Мәрҗани мәчете имам-хатыйбы Мансур хәзрәт Җәләлетдинның да бу уңайдан фикерен сорашты. Дин әһеле, мөселманнарга бу эш килешми, дип җавап бирде.
Кызыклы яңалыкларны күзәтеп бару өчен Телеграм-каналга язылыгыз