Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Танылган башкорт шагыйре Риф Мифтахов вафат
Риф Мифтахов - Башкортстан Республикасының атказанган мәдәният хезмәткәре, Россия һәм Башкортстан Язучылар берлеге, Россия Федерациясе Журналистлар берлеге һәм Башкортстан Кинематографистлар берлеге әгъзасы.
(Казан, 23 апрель, «Татар-информ»). Уфада танылган башкорт шагыйре, сатирик, журналист һәм тәрҗемәче Риф Мифтахов 80 яшендә вафат булды. Бу хакта «Башинформ» агентлыгы хәбәр итә.
Риф Мифтахов 1939 елның 17 сентябрендә Башкортстанның Ишембай районы Кинҗәбулат авылында туган. Башкортстан Республикасының атказанган мәдәният хезмәткәре, Россия һәм Башкортстан Язучылар берлеге, Россия Федерациясе Журналистлар берлеге һәм Башкортстан Кинематографистлар берлеге әгъзасы. Гали Ибраһимов исемендәге премия һәм Салават Юлаев ордены иясе. Ишембай районының мактаулы гражданины.
1968-1974 елларда Башкорт китап нәшрияты редакторы, «Совет Башкортостаны» республика газетасының махсус хәбәрчесе булып эшли, республика Мәдәният министрлыгы системасында, БАССР телевидение һәм радиотапшырулар Дәүләт комитетында, «Агыйдел» һәм «Һәнәк» журналлары редакциясендә хезмәт куя.
Язучылар берлегеннән хәбәр итүләренчә, Риф Мифтаховны 24 апрельдә туган авылында җирләячәкләр.
Кызыклы яңалыкларны күзәтеп бару өчен Телеграм-каналга язылыгыз