Башкортстан театрларының тегү цехлары хезмәткәрләр өчен марлядан битлекләр тегә

Бинага керү юлында тамашачыларның температурасын үлчиләр, биналарны даими дезинфекциялиләр.

(Казан, 23 март, «Татар-информ»). Башкортстанда кайбер театр һәм мәдәният сарайларының тегү цехлары марля бәйләвечләр тегү эшенә кереште. Бу хакта «Башинформ» хәбәр итә.

Даруханәләрдә битлекләр җитмәү сәбәпле, учреждение җитәкчелеге цех хезмәткәрләренә коронавирус эпидемиясе чорында үз персоналларын битлекләр белән тәэмин итәргә кушты.

Моннан тыш, бинага кергәндә тамашачыларның температурасын үлчиләр, биналарны даими дезинфекциялиләр.

Узган атнада спектакль һәм концертларда тамашачылар саны 200 кешедән артмаган. Берничә театр спектакльләрне тамашачылар катнашыннан башка онлайн-трансляцияләүгә күчте.