Мәдәният 22 ноябрь 2021 07:46

Мәскәүдә Сара Садыйкованың 115 еллыгына багышланган концерт узды

Иҗат төркеме җитәкчесе Сара Садыйкованың кызы Әлфия Газиз кызы Айдарская булды.

Скопировать ссылку

(Казан, 22 ноябрь, «Татар-информ»). Мәскәүдә Татарстанның Тулы вәкаләтле вәкиллеге ярдәмендә Сара Садыйкованың 115 еллыгына багышланган концерт узды.

«Сара Садыйкованы искә алу кичәсендә танылган Татарстан артистлары чыгыш ясады. Иҗат төркеме җитәкчесе Сара Садыйкованың кызы Әлфия Газиз кызы Айдарская булды», — дип хәбәр иттеләр ТР Тулы вәкаләтле вәкиллегенең матбугат хезмәтендә.

Шулай ук танылган татар җырчысы, актриса һәм композиторны искә алу өчен Муса Җәлилнең кызы Чулпан Муса кызы Җәлилова да килгән иде.

Сара Садыйкова (1906-1986) 400 гә якын җыр, 30 спектакльгә музыка, күп кенә инструменталь әсәрләр иҗат итә.

Ул татар операсын торгызуга зур өлеш кертте. Салих Сәйдәшевнең музыкаль традицияләрен дәвам итүче буларак билгеле, диелә хәбәрдә.

#Сара Садыйкова #Сара Садыйкова кызы Әлфия Айдарская

Сәхифәләр

Мәскәүдә Сара Садыйкованың 115 еллыгына багышланган концерт узды