Аксубай музеенда талантлы рәссам Әлфия Нурхәмитованың күргәзмәсе ачылды
Аның күп эшләре туган якның табигатенә һәм матурлыгына багышланган.
Скопировать ссылку
(Аксубай, 21 октябрь, «Татар-информ», «Авыл таңнары», Анастасия Петрова). Аксубай музеенда талантлы рәссам Әлфия Нурхәмитованың күргәзмәсе ачылды. Экспозицияләр залында аның күпсанлы эшләре тәкъдим ителгән. Бу турыда район басмасы хәбәр итә.
Әлфия Нурхәмитова районда иҗат эшчәнлеге белән билгеле. Ул — танылган рәссам, педагог, сәләтле оештыручы. Аның күп эшләре туган якның табигатенә һәм матурлыгына багышланган.
Рәссам әйләнә-тирәдәге матурлыкны күрә белә һәм аларны картиналарына бик оста күчерә. Аның талантын үлчәп булмый. Аның һәр эшендә ниндидер үзенчәлек, хис, кәеф бар.