Мәдәният 20 ноябрь 2020 22:22

Бөгелмә театры артистлары тамашачыларга ике спектакль тәкъдим итәчәк

1 декабрьдә Бөгелмә театры гастрольләргә китә.

Скопировать ссылку

(Казан, 20 ноябрь, «Татар-информ», «Бөгелмә авазы»). Бу атнада Бөгелмә театры артистлар үз тамашачыларына ике спектакль тәкъдим итәчәк. Алар 21 ноябрьдә «Долгожитель» комедиясе, 22 ноябрьдә — «Казанское полотенце» музыкаль комедиясе куячак. Бу хакта район газетасы яза.

Киләсе атнада, җомга көнне, 27 ноябрьдә, «Божьи одуванчики» комедиясе күрсәтеләчәк. Шимбә көнне — Әлмәткә «Казанское полотенце» белән бару, якшәмбе көнне туган сәхнәдә «Танцы на праздник урожая» драмасы уйналачак.

Ә 1 декабрьдә Бөгелмә театры гастрольләргә китә. «Һөнәр» яшь режиссура фестивале кысаларында, Казанда «Кече шәһәрләр театрлары» проекты чараларына куелган «Танцы на праздник урожая» драмасын күрсәтәчәкләр, диелә хәбәрдә.

Сәхифәләр

Бөгелмә театры артистлары тамашачыларга ике спектакль тәкъдим итәчәк