Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тинчурин театры «Полиционер» спектакле премьерасына чакыра
Комедиянең авторы — Илгиз Зәйниев, режиссёры — Туфан Имамутдинов.
(Казан, 19 ноябрь, «Татар-информ»). 19 һәм 20 ноябрь көннәрендә Кәрим Тинчурин исемендәге Татар дәүләт драма һәм комедия театрының «Полиционер» музыкаль комедиясенең премьерасы көтелә. Бу хакта театрның матбугат хезмәте хәбәр итә.
«Полиционер» спектаклендәге вакыйгалар милициядән полициягә күчеш чорында бара. Исеме җисеменә туры килмәгән Идеал атлы участок милиционеры, переаттестация үтеп, полиция хезмәткәре буласы килә. Ләкин ул хокук саклау органнарында озак еллар эшләсә дә (лаеклы ялга бары бер ел гына калган!), отделда иң начар күрсәткечләр биргән участок милиционеры санала.
Аның бер протоколы, бер ачылган җинаяте юк. Бер эше дә судка барып җитмәгән. Ә озакламый переаттестация! Әгәр дә тиз арада күрсәткечләрен яхшыртмаса, Идеалның бар хыялы челпәрәмә киләчәк…
Әмма «йөз сум акчаң булганчы, йөз дустың булсын», — ди бит халык. Җәмгыятьтәге кайбер күренешләрне фаш иткән әлеге музыкаль комедиядә төп геройга авылдашлары, хезмәттәшләре һәм, билгеле инде, әти-әнисе ярдәмгә килә. Комедиянең авторы — Илгиз Зәйниев, режиссёры — Туфан Имамутдинов.
Кызыклы яңалыкларны күзәтеп бару өчен Телеграм-каналга язылыгыз