Уфада «Нәүрүз» бәйрәме 4 апрельгә күчерелгән

Башкортстанда беренче «Нәүрүз» бәйрәме 2001 елда билгеләп үтелде.

(Казан, 19 март, «Татар-информ»). Быел Уфада «Нәүрүз» — яз бәйрәме 4 апрельдә Якупов исемендәге паркта билгеләп үтеләчәк.

Һава торышына бәйле рәвештә, Башкортстан милли-мәдәни үзәкләре җитәкчеләре карары белән бәйрәм итү көне күчерелде. Бу турыда «Башинформ» хәбәр итә.

Башкортстанда беренче «Нәүрүз» бәйрәме 2001 елда билгеләп үтелде. Шуннан бирле, 20 ел дәвамында, Уфада бәйрәм ел саен уздырыла.