Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татар сәхнәсендә кыл-кубыз өчен язылган беренче симфоник әсәр яңгырады
Казанда Нәҗип Жиһанов исемендәге «Мирас» татар музыкасы фестивале бара.
(Казан, 19 декабрь, «Татар-информ», Рузилә Мөхәммәтова). Татар музыкасында беренче тапкыр оркестр белән кыл-кубыз өчен әсәр язылган. Оркестр белән кыл-кубыз өчен «Чатыр тау» симфоник риваятенең премьерасы «Мирас» фестиваленең икенче концертында тәкъдим ителде.
Кыл-кубыз өчен язылган бу әсәрне музыка белгечләре татар музыкасында яңа сүз дип бәялиләр. Әсәрнең авторы — композитор Эльмира Галимова.
Симфоник әсәрне Татарстан Республикасы дәүләт симфоник оркестры һәм музыкант Динә Закирова башкарды. Дирижер — Айрат Кашаев.
- Кыл-кубыз — кыллы-сызгычлы уен коралы. Ул татарларда популяр уен коралы булган. ХХ гасырда аларны фабрикаларда җитештерелгән скрипкалар алыштыра башлый. Музыка белгечләре әйтүенчә, татар музыкантлары традицион скрипкада да аны кыл-кубыз кебек вертикаль тотып уйнаганнар.
Кыл-кубыз өчен музыкаль әсәр язу идеясен композиторларга «Мирас» татар музыкасы фестиваленең арт-директоры Вадим Дулат-Алеев тәкъдим иткән. Әсәргә Эльмира Галимова алынган. Алар музыкант Динә Закирова белән бергәләп заказ белән кыл-кубыз ясатканнар.
«Бу әсәр бик кыю адым. Яңгырашы бик кызыклы», дип бәяләде музыка белгече, профессор Вадим Дулат-Алеев.
Кызыклы яңалыкларны күзәтеп бару өчен Телеграм-каналга язылыгыз