Мәскәүдә Тукайга багышланган күргәзмәгә чакыралар

(Казан, 18 май, «Татар-информ»). 25 апрельдән 25 майга кадәр иң матур урында — «Остафьево» — «Русский Парнас» Дәүләт музей-утарында «Тукай. Майоров. Чагылыш» дип аталган күргәзмә эшли башлады. Бу хакта Татарстан Республикасының Россия Федерациясендәге Тулы вәкаләтле вәкиллегенә сылтама белән Бөтендөнья татар конгрессы матбугат хезмәте хәбәр итә.

Күргәзмә бөек шагыйрьнең тууына 135 ел тулуга багышланган.

Анда Ленинград рәссамы Игорь Майоровның (1946-1991) шагыйрьнең тууына 100 ел тулу уңаеннан иҗат ителгән Тукай портретлары тәкъдим ителә. Алар Александр Колосковның шәхси коллекциясендә саклана.

Остафьево — күренекле урын, монда XVll-XIX гасырның иң танылган шагыйрьләре һәм язучылары җыелган һәм иҗат иткән # ostafyevomuseum.