news_header_top_970_100
16+
news_header_bot_970_100

Казанда «Әкият-LAB» курчак театры лабораториясе башланды

«Әкият-LAB» театр лабораторисе 22 гыйнварга кадәр дәвам итә.

Казанда «Әкият-LAB» курчак театры лабораториясе башланды
"Татар-информ" архивы

(Казан, 18 гыйнвар, «Татар-информ»). «Әкият» татар дәүләт курчак театрында «Әкият-LAB» курчак театры лабораториясе башланды.

«Театр лаборатория кысаларында өч спектакльнең эскизы әзерләнәчәк», дип хәбәр итә театрның матбугат хезмәте.

Театрның сәнгать җитәкчесе Илгиз Зәйниев әйтүенчә, лабораторияләр труппага тренинг булып тора. Лаборатория аша театрның репертуарын яңартырга мөмкин.

Эскизларны режиссёрлар Анна Брашинская, Светлана Озерская һәм Иван Пачин ясый. Рәссамнар — Екатерина Спиридонова, Ксения Шачнева.

«Әкият-LAB» театр лабораторисе 22 гыйнварга кадәр дәвам итә. Эскизлар тамашачыга шул ук көнне күрсәтеләчәк.

autoscroll_news_right_240_400_1
autoscroll_news_right_240_400_2
news_bot_970_100