Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан укучылары «Зур тәнәфес» Бөтенроссия конкурсында җиңү яулады
5-7нче сыйныф укучылары 12 юнәлеш буенча көч сынашты.
![Казан укучылары «Зур тәнәфес» Бөтенроссия конкурсында җиңү яулады](https://tatar-inform.tatar/resize/shd/images/uploads/news/2021/7/16/3b10cc07a63d833213c51465ee90cf99cbe711e603db437c786e37e713d2.jpg)
(Казан, 16 июль, «Татар-информ»). Казанда яшәүче өч кыз 5-7-нче сыйныф укучылары арасында «Зур тәнәфес» Бөтенроссия конкурсының финал этабында җиңүчеләр исемлегенә керде. Нәтиҗәләрне Ялтадагы «Артек» халыкара балалар үзәгендә ясадылар.
Сайлап алу этабы онлайн-уен форматында узды, анда бөтен илдән 1,1 миллионнан артык кеше катнашты. Конкурсның финал сынаулары 7 июльдән 14 июльгә кадәр форсайт-сессияләр форматында узды, аларда 639 финалист катнашты, дип хәбәр итә Казан мэриясе матбугат хезмәте.
5-7нче сыйныф укучылары 12 юнәлеш буенча ярышты: фән һәм технологияләр, сәнгать һәм иҗат, журналистика һәм яңа медиа, урбанистика, экология, сәламәт яшәү рәвеше, тарихи хәтер, волонтерлык, сәяхәт һәм туризм, яшьләр эшкуарлыгы, мәгариф технологияләре һәм дәүләт куркынычсызлыгы.
Татарстаннан конкурста 8 кеше катнашты. Финал этабы нәтиҗәләре буенча 5 җиңүче билгеләнде, шул исәптән 3 катнашучы Казаннан: М. С. Устинова исемендәге 102нче гимназиядән Полина Иванова, 152нче гимназиядән Ангелина Ивлиева, 186нчы күппрофильле «Перспектива» лицееннан Дилә Мәрданова. Шулай ук иң яхшылар арасында — Яр Чаллыдан Мәликә Бәдретдинова һәм Әлмәт районыннан Лика Молдаванова.
Көз көне конкурста җиңүчеләр «Зур тәнәфес»нең махсус поездында «Хыял сәяхәте»нә юл тотачак: яшьләр бөтен ил буйлап, Мәскәүдән алып Владивостокка кадәр һәм кире юнәлештә сәяхәт кылачак.
«Зур тәнәфес» конкурсын «Россия — мөмкинлекләр иле» автоном коммерцияле булмаган оешмасы, Россия балалар һәм яшьләргә гражданлык һәм патриотик тәрбия бирү үзәге һәм Россия мәктәп укучылары хәрәкәте оештыра. Ул «Мәгариф» илкүләм проекты кысаларында гамәлгә ашырыла.
Кызыклы яңалыкларны күзәтеп бару өчен Телеграм-каналга язылыгыз