Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кариев театры артисты Эльдар Гатауллин «Арлекин» фестивале лауреаты булды
„Хикмәт әкиятләре“ әлеге фестиваль кысаларында татар телендә уйналган беренче спектакль.
(Казан, 16 июнь, «Татар-информ», Рузилә Мөхәммәтова). Кариев театры артисты Эльдар Гатауллин «Иң яхшы ир-ат» роле номинациясендә «Арлекин» театр фестивале лауреаты булды. Бу хакта театрның матбугат үзәге хәбәр итә.
Кариев театрының яшь артисты «Хикмәт әкиятләре» спектаклендә Сукыр падишаһның кече улы һәм Кара Сәйфи рольләрен башкара.
«Хикмәт әкиятләре» спектакле «Спектакльнең үзенчәлеге һәм сәнгати бөтенлеге өчен» фестиваль дирекциясенең махсус премиясе лауреаты да булды.
«Безнең өчен бу, чыннан да, тарихи вакыйга, чөнки „Хикмәт әкиятләре“ әлеге фестиваль кысаларында татар телендә уйналган беренче спектакль. Артистларыбызны, режиссер Сойжин Жамбалованы һәм спектакльнең барлык иҗат төркемен уңышлы чыгыш ясаулары белән чын күңелдән котлыйбыз», — дип яза театрның матбугат үзәге.
«Арлекин» — балалар өчен театр сәнгате фестивале. XVIII Бөтенроссия «Арлекин» фестивале Санкт-Петербург шәһәрендә узды.
Кызыклы яңалыкларны күзәтеп бару өчен Телеграм-каналга язылыгыз